Pavarësia e Kosovës, Basha: Shqipëria do të jetë krah për krah me ju

14:06 | 17 Shkurt 2021
Arbresh.info

Kryetari i Partisë Demokratike, Lulzim Basha ka uruar gjithë shqiptarët për 13-vjetorin e pavarësisë së Kosovës.

Lideri i opozitës shqiptare, me anë të videomesazhi, shprehet se shteti i Kosovës do ta ketë gjithmonë mbështetjen e tij.

“Sot Kosova përballet me sfida të mëdha. Po unë jam i sigurt se qytetarët e Kosovës, forcat politike të Kosovës dhe të gjitha institucionet e Kosovës kanë tashmë të gjithë përvojën, energjinë dhe vendosmërinë për ta çuar Kosovën përpara drejt njohjeve të reja ndërkombëtare, drejt fuqizimit të ekonomisë së saj dhe prosperitetit për çdo qytetar të Kosovës. Në këtë rrugëtim nuk do të jeni kurrë vetëm. Shqipëria do të jetë krah për krah me ju dhe unë ju garantoj se çdo ditë të jetës time”, ka thënë Basha.